Синоптиктер Каспий деңгейінің тағы да төмендеуін болжады

Қазгидромет Каспий теңізі деңгейінің барынша төмендеуі болжады, деп хабарлайды Stan.kz ақпарат агенттігі. 

Каспий теңізінің 2020 жылғы 6 қыркүйектегі ғарыштық түсірілімі

Синоптиктердің мәліметіне сүйенсек, теңіздің деңгейі төрт күнде төмендейді. 

"2020 жылғы 8-12 қыркүйек аралығында Каспий теңізіндегі Пешной метеостанция ауданында деңгейдің минус 28,8 м (Балтық биіктік жүйесі) белгісіне дейін барынша төмендеуімен қауіпті желқума жағдайы болжанып отыр. Осыған байланысты шағын және орта кемелердің жүзу жағдайлары нашарлайды", - делінген ресми хабарламада.

Айта кетейік, бұған дейін Каспийдің 24-29 тамыз аралығында минус 29,5 метрге дейін төмендеген болатын.