Сыбайлас жемқорлыққа қарсы қызмет Алматы қаласы ТЖД басшысына қатысты іс қозғады

Сыбайлас жемқорлыққа қарсы қызмет Алматы қаласы nөтенше жағдайлар департаментінің басшысы Руслан Қасыбаевқа қатысты сотқа дейінгі тергеу жүргізіп жатыр, деп хабарлайды Stan.kz ақпарат агенттігі.

Ведомство бұл істің қай бап бойынша тергеліп жатқанын нақтыламады.

Азаматтық қорғау полковнигі Руслан Қасыбаев 2020 жылдың 29 желтоқсанынан бастап Алматы қаласы төтенше жағдайлар департаментінің бастығы болып жұмыс істейді.

2015-2020 жылдар аралығында Алматы қаласы төтенше жағдайлар департаменті өрт сөндіру және авариялық-құтқару жұмыстары қызметінің басшысы болды.