Си Цзиньпин Қытай әскеріне "соғысқа дайындықты күшейтуді" тапсырды
Қытай Халық Республикасының төрағасы Си Цзиньпин әскерилерді соғысқа дайындықты күшейтіп, жауынгерлік әзірлікті қамтамасыз етуге шақырды. Бұл туралы Stan.kz ақпарат агенттігі CCTV басылымына сілтеме жасап хабарлайды.
Фото: investing.com
Ол бұл мәлімдемені Бейжіңді жойып жібереміз деп қорқытқан Тайвань маңындағы маневрлерден бірнеше күн өткен соң жасады.
Си Цзиньпин 18 қазанда Қытай Халық азаттық армиясының зымырандық күштерінің бригадасын аралап шығып, әскерилерге тапсырма берді. Ол қытайлық сарбаздар "стратегиялық тежеу және жауынгерлік қабілеттерін нығайтуы керек" деді.
"Нақты жауынгерлік қабілеттер мен стратегиялық тежеу мүмкіндіктерін арттырып, партия мен халық алға қойған түрлі міндеттерді табанды түрде орындау қажет", – деді ол.
2024 жылдың 14 қазанында Қытай армиясы Тайвань төңірегіндегі суда 2024В бірлескен қылыш жаттығуларын өткізді. Аға полковник Ли Си оқу-жаттығу Тайвань тәуелсіздігіне ұмтылған "сепаратистік күштерге" "қуатты" тосқауыл болуға арналғанын айтты.
Тайвань билігі қытайлық әскери жаттығуларды арандатушылық деп атады. Жаттығу барысында аралдың әуе қорғанысы аймағына 90 ұшақ, тікұшақ және ұшқышсыз ұшақтар жеткізілді.