Шымкентте 11 айлық сәби тәуіпке көрсеткеннен кейін қалшылдай селкілдеп шетінеп кеткен
Шымкентте тәуіпке көрсетіп келгеннен кейін 11 айлық сәби шетінеп кетті. Куәгерлердің айтуынша, қалаға сәбиді атасы алып келген. Ол кісі Жетісайға барып, баланы тәуіпке көрсетіп қайтқан.
Бұл туралы TVK арнасы хабарлайды.
Мәлім болғандай, атасы көліктен түсе бере, көше бойында бала қалшылдап қоя берген. Жақын маңдағы дәріхана әкімшісінің айтуынша, қыз баланың аяқ-қолы тартылып, селкілдей бастаған. Фармацевтер балаға көмек көрсетіп, жедел жәрдемді шақырған. Алайда, олар келгенше сәби шетінеп кеткен.
Бала бұған дейін Арыста тұрып келген. Оның ата-анасы ажырасып кеткен, анасы Алматыда жұмыс істейтін көрінеді.
Алдын ала болжам бойынша, сәбидің тыныс жолдарында дерт болған.
Жіберіп алмаңыз:
Алматы ауруханасында қайтыс болған бүлдіршіннің анасы бұған дәрігерлерді кінәлауда
АҚШ-та көлікте қалған 15 айлық егіздер күннің ыстығынан шетінеп кетті
Британдық әйел шетінеп кеткен сәбиімен 15 күн бойы қоштасқан (фото)
Ақмола облысында оқушы қыз екі бүлдіршінді өрттен құтқарып қалды (фото)