Шымкентте полицей көпірден секірмек болған ер адамды құтқарып қалды
37 жастағы Шымкент тұрғыны жеке бас мәселелерінің кесірінен көпірден секірмек болды. Мас күйде өзіне-өзі қол жұмсамақ болған азаматты полиция сержанты құтқарып қалды.
«Шымкентте жергілікті полиция қызметінің жол-патрульді полиция полкі, стационарлы полиция қызметкері Рүстем Қадыров көпірден секірмек болған ер адамның өмірін құтқарып қалды», – делінген ОҚО ІІД баспасөз қызметінің ресми мәлімдемесінде.
2 қараша күні тексеріс барысында полиция қызметкері сабасынан шығып, көпірден секірмекші болған адамды көріп қалған, деп хабарлады Sputnik. Ер адамды әңгімеге айналдырып тұрған полицей ақырында қызметтестерімен бірге оны көпірдің қауіпсіз бетіне алып өтті. Кейіннен анықталғандай, өзіне өзі қол жұмсамақ болған 1979 жылы туған, бұрын сотталған Шымкент азаматы. Ол полицияның стационарлы орнына жеткізілді. Алғашқы медициналық көмек көрсетілді. Өзінің айтуынша, оны мұндай қадамға жеке басының проблемалары итермелеген. Азамат өзін құтқарып қалған полицейлерге алғыс айтты.
Жіберіп алмаңыз:
Теміртауда табылған қолдар жоғалып кеткен ер адамға тиесілі болып шықты
ОҚО-да туыстарының үйлену тойынан кейін жоғалып кеткен ер адамның денесі табылды
Теміртауда оқушылар сабап тастаған азамат өз пікірін білдірді
Өскеменде әскерде оңбай таяқ жеген сарбаз ауруханада ес-түссіз жатыр