"Шынтағымен ішін басты": Ақмола облысында әйел құрсағындағы сәбиінің шетінеп кеткеніне дәрігерді кінәлады
Фото: Pixabay.com
Ақмола облысында әйел нәрестесінен айырылып қалғанына дәрігерді кінәлайды. Бұл туралы Stan.kz ақпарат агенттігі Sinegor.kz парақшасына сілтеме жасап хабарлады.
Атбасарлық әйел келінінің баласынан айырылып қалғанын айтып, дәрігердің жауапқа тартылуын талап етті.
Қала тұрғынының айтуынша, қайғылы оқиға таңғы сағат 04:47-де болған.
"Акушер-гинеколог босанып жатқан әйелдің ішін шынтағымен басты. Нәтижесінде бала мерт болды. Содан кейін ол өліп қалған нәрестені босануға мәжбүрледі. Сағат 05:15-те келінім маған телефон шалып, босану кезінде баланың жүрегі тоқтап қалғанын айтты. Мен түні бойы дәрігердің қоңырауын күттім, бірақ ешкім хабарласпады! Дәрігер тіпті кешірім де сұрамады. Баланы тексеру үшін Көкшетауға алып кетті. Біз әділдікті талап етеміз! Неліктен олар шұғыл шараларды қолданбады? Бұл салғырттыққа кім жауап береді?” – деді әйел.
Ақмола облысының денсаулық сақтау басқармасы қызметтік тексеру жүргізгенін хабарлады. Атбасар аудандық полиция бөлімінде іс тіркелген.
"Қылмыстық іс жүргізу заңнамасына сәйкес материал тиісті тексеру жүргізу үшін медициналық және фармацевтикалық бақылау комитетінің Ақмола облысы бойынша департаментіне жолданды", – деп мәлімдеді ПД.
Тергеу қорытындысы бойынша соңғы процессуалдық шешім қабылданады.
АҚШ-та ауыр жарақат алған қазақстандық дзюдошы хал үстінде жатыр: Ағасы емге 270 миллион теңге қажет екенін айтты
