Шымкентте өлім алдында жатқан сәбиді дәрігерлер құтқарып қалды
Шымкентте дәрігерлер клиникалық өлім жағдайына түскен сәбиді құтқарып қалды. Сәби анасының сүтіне тұншығып қалған деп хабарлайды Stan.kz ақпарат агенттігі.
Оқиға Шымкент қаласындағы №2 ауруханасында тіркелді. OTYRAR сайтының жазуынша, сәбиді ауруханаға анасы алып келген. Қатты үрейленген келіншек баласының тынысы тарылғанын айтып, аман алып қалуын өтінген. Осы уақытта аурухананың анестезиолог-реаниматологы Аскат Жақыбаев көмек көрсетуге тырысады. Дәрігер бірден сәбидің жүрегін саусақтарымен уқалап, инкубациялық түтіктің көмегімен жасанды тыныс алу аппаратына жалғаған.
Фото: Оtyrar.kz
Артынша тексеру нәтижесінде сәбидің ана сүтіне тұншығып қалғаны анықталды. 18 жылдық тәжірибесі бар дәрігер сәбиді аман алып қалды. Қазір баланың денсаулығына қауіп жоқ. Үш күн бақылаудан кейін үйге шығарылады.
Талқылау