Шымкентте ер адам 13 жастағы қызын 4 жыл бойы зорлаған
Шымкентте ер адам өзінің кәмелетке толмаған қызын зорлады деген айыппен сот отырысы өтті.
Сот тергеу барысында анықталғандай, 47 жастағы ер адам өзінің қызын алғаш рет зорлағанда ол 13 жаста еді.
Содан кейін баланы қорқытқан әке мезгіл-мезгіл онымен жыныстық қатынасқа түскен. Бұл төрт жылға созылды.
Өткен жылы күзде жәбірленуші 17 жастағы студент Шымкенттегі оқу орындарының бірінде сабағына барып, кешкісін кеш келеді.
Қыз үйге қайтып келгенде, әкесі жанжал шығарып, оны үйден қуып шығарды. Анасы жұмыстан оралғанға дейін қызы көшеде күткен. Содан кейін ол бәрін анасына айтты. Анасы полицияға арыз жазды.
Ер адам ұсталып, қамауға алынды, оған қарсы қылмыстық іс қозғалды.
Сот отырысы барысында сотталушы арнайы медициналық және психиатриялық тексеруден өтті. Оның нәтижелері бойынша ер адам ресми түрде педофил ретінде танылды.
«Сот оны айыпты деп тапты. 17 жылға бас бостандығынан айырылды. Оған химиялық кастрация тағайындалды», - деді Шымкент қаласының қылмыстық істер жөніндегі мамандандырылған ауданаралық сотының судьясы Абинур Қарабаев.