Шымкентте екі жасар бала пойыз астына түсіп, мерт болды

Шымкентте екі жасар бала вагондардың орнын ауыстыру маневрі кезінде пойыз дөңгелектерінің астында қалып, қаза болды, деп хабарлайды Stan.kz ақпарат агенттігі Otyrar.kz-ке сілтеме жасап.

Басылымның мәліметінше, 18 желтоқсанда бала анасымен бірге  белгіленбеген жерде вагондардың астына түсуге тырысқан. Пойыз қозғалған. Бала бірінші және екінші вагон дөңгелектерінің астында қалған.

Оқиға орнына жедел жәрдем бригадасы шақырылды, бірақ баланың жарақаттары оның аман қалуына мүмкіндік бермеді. Ол жақын жердегі стационарға жетпей жатып көз жұмды.

Тергеу амалдары жүргізіліп жатыр.