Шымкентте 18 жастағы қыз бесінші қабаттан секіріп кеткен
Шымкентте 18 жастағы қыз бесінші қабаттан секіріп кеткен, деп хабарлайды Stan.kz ақпарат агенттігі.
Қыз төмендегі дүкеннің үстіне құлапты. Оны көргендер дереу құтқарушыларды шақырған. Қыз аман, бірақ біршама жарақаттанған. Қазір ауруханада жатыр.
“Аталған жайт бойынша Әл-Фараби ауданы полиция басқармасының қызметкерлерімен ҚР Қылмыстық Кодексінің 105-бабы "Өзiн-өзi өлтiруге дейiн жеткiзу" бойынша сотқа дейінгі тергеп-тексеру амалдары жүргізілуде.Сот-медициналық сараптама тағайындалды”, – дейді Шымкент қаласы полиция департаменті ішкі және сыртқы коммуникациялар басқармасының басшысы Мөлдір Бекеева.
Сондай-ақ кеше қалада тағы бір бойжеткен 10-қабаттан секірген. Ол сәт бейнебақылау камераларына жазылып қалған. Куәгерлер жедел жәрдем қызметі мен полиция шақырған. Дәрігерлер23 жастағы қыздың ауруханаға жеткенше көз жұмғанын айтады. Полиция қазір өлім себебін анықтап жатыр.