Шымкент мұнай өңдеу зауытында екі жұмысшы қаза болды
Шымкенттегі мұнай өңдеу зауытында автомұнара аударылып, екі адам мерт болды. Қазір оқыс оқиғаның мән-жайы анықталып жатыр. Бұл туралы Stan.kz ақпарат агенттігі хабарлайды.
"ПетроКазахстан Ойл Продактс" ЖШС бұл ақпаратты растады.
"26 тамыз сағат 14:30-да оқшаулау жұмыстарын жүргізу кезінде автомұнара аударылып, салдарынан екі адам қаза тапты. Жұмысты мердігер ұйым "КРС Астана " ЖШС жүргізіп жатқан. Қайтыс болғандар "КРС Астана" ЖШС жұмысшылары болған. Бұл жайттың себебін жұмыс тобы анықтап жатыр", – делінген серіктестік таратқан хабарламада.
Қазір зауыт қалыпты режимде жұмыс істеп тұр.
Еске салсақ, таяуда Степногорск қаласындағы жылу электр орталығында апат болып, бір жұмысшы қаза тапты. Оқыс оқиға Степногорск ЖЭО-дағы монтаж жұмыстары кезінде болған. Апат салдарынан бір жұмысшы қаза тауып, тағы үш жұмысшы жарақат алды.
Алматыда оқу ақысы 5 миллион теңге болатын элиталық мектепте оқушыларға шикі тамақ берілген
Асхана тамағынан кейін балаларға асқазан-ішек жолдарының функциялық бұзылуы сияқты диагноздар қойылған
Қазақстанда көпбалалы әйелдерге 8 наурызға орай 43 мың теңгеге дейін біржолғы төлем беріледі
Ал қалған 8 аймақта көпбалалы аналарға ақшалай төлем берілмейді екен