Соңғы жаңалықтар
Соңғы жаңалықтар

Шығыс Қазақстан облысында адамдардың қозғалысына шектеу енгізілді

Шығыс Қазақстан облысының бас мемлекеттік санитар дәрігері жаңа қаулыға қол қойды, деп хабарлайды Stan.kz ақпарат агенттігі. 

Жаңа қаулыға сәйкес, CОVІD-19 коронавирустық инфекциясымен сырқаттанушылық деңгейі жоғары өңірлерде: Өскеменде, Семейде және Аягөз ауданында 2021 жылғы 23 сәуірден бастап 03 мамырға дейін шаруашылық және (немесе) өзге де қызметпен және халықтың тыныс-тіршілігінің ерекше жағдайларымен қатаң шектеу шаралары ұзартылады.

"Өскемен, Семей қалаларының және Аягөз ауданының  аумағындағы шектеу іс-шараларының режимі мен мерзімдері эпидемиологиялық ахуалдың өзгеруіне сәйкес қайта қаралуы мүмкін", - делінген құжатта.

Сонымен қатар облыста қозғалысқа шектеулер енгізіледі.

Шығыс Қазақстан облысының сыртқы шекараларына кіруді/шығуды бақылау үшін Алматы облысы тарапынан 2 санитариялық бекет, Қарағанды облысы тарапынан 1 санитариялық бекет, Қазақстан Республикасының мемлекеттік шекарасы арқылы автоөтпе жолдарына "Ауыл", "Уба", "Бақты", "Майқапшағай" өткізу пункттерінде 4 санитариялық бекет және Аягөз ауданында 2 санитариялық бекет қойылады.

Ерекше жағдайларда, осы қаулыда көрсетілген санаттарды қоспағанда, жекелеген санаттағы адамдарға санитариялық бекеттер арқылы шығуға және келуге рұқсат ауданның/қаланың жергілікті атқарушы органының шешімі бойынша берілуі мүмкін.

Тәуекелі жоғары аймақтан («қызыл» аймақтан), оның ішінде осы қаулының 1-қосымшасында көрсетілген адамдарда санитариялық бекеттерді кесіп өткен кезде COVID-19 коронавирустық инфекциясына ПТР-тестінің теріс нәтижесі туралы нәтиже берілген күннен бастап кіру сәтінде үш тәуліктен (72 сағаттан) аспайтын анықтаманың болуы міндетті.

Еріп жүрушілердің анықтамасы болған кезде 5 жасқа дейінгі балалар үшін анықтама ұсынылмайды.

Қаулы 2021 жылғы 23 сәуірден бастап күшіне енеді.

Құжаттың толық мәтінімен мына жерден танысуға болады.

Талқылау
Пікір
Қазір оқып жатыр
Çàãðóçêà...
Қазір оқып жатыр