Ақмола облысының полиция департаментінде Щучинск қаласындағы балабақшалардың бірінде балаларға жасалған қатігездік түсірілген видеоға түсініктеме берді.

"Кәмелетке толмағандарды қадағалауды жүзеге асыруға міндетті тәрбие мекемесі қызметкерінің іс - әрекетін, сондай-ақ Щучинск тұрғынынан келіп түскен өтінішті назарға ала отырып, Бурабай ауданының полиция бөлімі Қылмыстық кодекстің 140-бабының 2-бөлігі "кәмелетке толмағанды тәрбиелеу жөніндегі міндеттерді орындамау" бойынша көзделген қылмыстық құқық бұзушылық белгілері бойынша сотқа дейінгі іс жүргізуді бастады", - деп хабарлады Ақмола облысы полиция департаментінің баспасөз қызметі.

Осы баптың санкциясы белгілі бір лауазымдарды атқару немесе белгілі бір қызметпен айналысу құқығынан үш жылға дейінгі мерзімге айыра отырып немесе онсыз 160 айлық есептік көрсеткішке дейінгі мөлшерде айыппұл салу не сол мөлшерде түзеу жұмыстары не 160 сағатқа дейінгі мерзімге қоғамдық жұмыстарға тарту немесе 40 тәулікке дейінгі мерзімге қамау түріндегі жазаны көздейді.

Тергеу амалдары жалғасып жатыр.

Еске салайық, әлеуметтік желілерде блогер Әсем Мұқымованың Щучинск қаласындағы балабақшалардың бірінде балаларды қорлау туралы жазба жариялады. Видеодан тәрбиешілердің қалаларға қатыгездікпен қарағанын көруге болады.

Балалардың ата-аналарының айтуынша, балаларға қатысты қатыгездік пен психологиялық қысым мезгіл-мезгіл болып тұрған.

Әйел балаларды үйіне ұрып-соққанын айтпайтындай қорқытатынын атап өтті. Оның аудиожазбалары бар.

Шағын орталықта аудан мен прокуратура өкілдерінің қатысуымен тексеру басталды. Осы кезеңде мұғалім жұмыстан шеттетілді.

Өмір айнасы