Ішінде жүкті әйел болған: Ақмола облысында жедел жәрдем көлігіне оқ атқандар анықталды
Щучинск қаласында жүкті әйел бар жедел жәрдем көлігін атты. Полиция болжамды қаскүнемнің кім екенін анықтады, деп хабарлайды Stan.kz ақпарат агенттігі.
"Жедел-іздестіру іс-шаралары барысында Бурабай аудандық полиция бөлімінің қызметкерлері 17 жастағы қаскүнем мен екі куәгерді анықтады. Барлығы - Щучинск колледждерінің бірінің студенттері", - деді Ақмола облысы ПД баспасөз қызметі
Жастардың айтуынша, 11 сәуірде кешкі сағат 22:00 шамасында олар көп қабатты үйдің ауласында болған. Онда жігіттер пневматикалық тапаншадан темір бөтелкелерге оқ атқан. Сол кезде олардың бірі кездейсоқ өтіп бара жатқан жедел жәрдем көлігіне оқ атқан.
"Олар өтіп бара жатқан көліктерге қасақана оқ атқан жоқ", - деп толықтырды полиция.
Еске салайық, бұған дейін Ақмола облысында жедел жәрдем көлігіне оқ атылғаны айтылған еді.
Талқылау