"Шеті көрінбейді": Қазақстан мен Ресей шекарасында ұзын-сонар кезек түзілген

Батыс Қазақстан облысындағы Қазақстан-Ресей шекарасында бірнеше шақырымға созылған кезек түзілген. Тұрғындар кезекте 5-6, кейде 12 сағат тұру керегін айтып шағымданды, деп хабарлайды Stan.kz ақпарат агенттігі "Мой Город" басылымына сілтеме жасап. 

"Туыстарымыз 28 тамызда түнгі 03:00-де жолға шыққан, ал таңғы 09:00-де кезектің тек ортасына жеткен. Нәтижесінде Саратовқа кешкі 17:00-де жетті", – дейді Орал тұрғыны.

Кезек Ресейден Қазақстанға кіретін бағытта түзілген. 

"Самараға 28 тамызда шықтық, кеден бекетіне 23:00-де жетіп, 29 тамызда 12:00-де өттік", – деп жазды куәгерлер әлеуметтік желіде. 

Желі қолданушылары кезектің еңбек мигранттарына байланысты түзілуі мүмкін екен және оларға 1 қыркүйекке дейін миграциялық карта мерзімін ұзартуға уақыт бергенін жазды. 

Басылым мәліметінше, шекарадағы кезек жыл сайын осындай уақытта байқалады. Себебі бірі оқуға барса, бірі елге қайтады екен.