Шетелдік көліктерді заңдастыру мерзімі ұзара ма – ІІМ жауап берді
Ішкі істер министрлігі Әкімшілік полиция комитетінің айрықша тапсырмалар бойынша аға инспекторы Алтынбек Жамалиев шетелдік көліктерді заңдастыру туралы айтып берді. Бұл жайлы Stan.kz ақпарат агенттігі хабарлайды.
Аға инспектордың сөзінше, 1 шілдеге дейінкеліп түскен өтініштер әрі қарай да қарала береді.
"Айта кетейін, егер 1 шілдеге дейін өтініш беріп үлгерсеңіз, бұл өтінішті әрі қарай да қарай береміз. Байбалам салудың керегі жоқ, әлі уақытымыз бар. Көлікті заңдастыру үшін 1 шілдеге дейін өтініш беру маңызды", – деді Жамалиев.
Бүгінгі күнге дейін Қазақстанда 177 мың шетелдік көлік пен 10 мыңға жуық конструктор көліктер заңдастырылған. Заңдастыру туралы алдын ала рұқсат 13 мың көлікке берілген. Олардың 90%-ы алдағы уақытта елде тіркеледі деп жоспарланып отыр.
Еске салайық, бұған дейін Қазақстанда өзге елде есепте тұрған автокөлікті 5 жылға уақытша тіркеуге рұқсат берілген еді.
Талқылау