Шайдоровтың Олимпиададағы алтын жүлдесі үшін қанша сыйақы алатыны белгілі болды
Қазақстандық мәнерлеп сырғанаушы Михаил Шайдоров 2026 жылы қысқы Олимпиада ойындарындағы жеңісі үшін ресми ақшалай сыйақы алады. Бұл туралы Stan.kz ақпарат агенттігі хабарлайды.
Бұған дейін мұндай төлемдердің мөлшері Туризм және спорт министрлігінің бұйрығымен бекітілгені хабарланған еді. Құжатқа сәйкес, Олимпиаданың алтын медалін жеңіп алған қазақстандық спортшыларға 250 мың долларға тең сома теңгемен төленеді.
Олимпиададағы тарихи жүлдесі үшін Шайдоров "Барыс" орденімен марапатталды
Қазіргі валюта бағамын есепке алғанда, Шайдоровқа берілетін сыйақы шамамен 123,7 миллион теңге болады. Қазір бұл Қазақстан құрамасының 2026 жылы Олимпиада ойындарындағы жалғыз медалі.
Сонымен қатар, олимпиада чемпиондары мен жүлдегерлерінің бапкерлеріне де арнайы төлемдер қарастырылған. Атап айтқанда, Шайдоров ресейлік маман Алексей Урмановтың жетекшілігімен жаттығады. Оған да тиісті сыйақы беріледі.
Айта кетейік, бұған дейін Қазақстан қоржынына Италия төрінде өтіп жатқан Олимпиада ойындарында тарихи жүлде түскені туралы жазған едік. Қазақстандық мәнерлеп сырғанаушы Михаил Шайдоров Олимпиада ойындарында топ жарды. Отандасымыз қос бағдарлама қорытынды бойынша 291.58 ұпай еншіледі. Бұл оның жеке рекорды.
Қазақстанда мемлекеттік қызметкерлерге қосымша кәсіп ашуға рұқсат берілді: Бұл кімдерге қатысты
