“Ол (Ерлан Біләл) Жапонияға кетер алдында қалта шығындарына қаржы керектігін айтты. Мен ақша тек билеттер сатылғаннан кейін болады деп жауап бердім. Біз міндеттерімізді атқармайынша, ол ақша менікі де сенікіде емес дедім”, – деп жауап берді Баянов.

«Сезам» директоры алғаш рет Ерлан Біләлмен 2017 жылдың қазанында кездескен. Сол кездесу барысында сыйақы көлемі туралы келіскен.

«Сома туралы сөйлеспедік. Ол (Ерлан Біләл) 1,5 млн теңгені меңзеді. Жарайды, көрейік дедім», – деді Баянов.

Баянов Біләлге 1,5 млн теңге көлемінде ақшаны бөліп төлеуі керек болған.

Кейінірек Баянов тергеу орындарымен бірге жұмыс жасай бастаған. Олар Баяновқа Біләлмен кездесуде уақытты соза тұруын және үшінші қаңтарға, яғни жұмыс уақыты басталғанға дейін кездеспеуін сұраған.

“Сезам” директорының айтуынша, Біләл оған 2 қаңтарда хабарласып, ақша керектігі жөнінде айтқан. Тергеу органдары “барып, ақшасын бер” деген. Сол кезде, алғашқы 600 мың теңгені конвертке салып берген. Қалған 900 мың теңгені Баянов 4 қаңтарда беруі тиіс болды.

Сонымен қатар Баянов сот алдында тағы бір оқиға туралы айтты.

“30 қаңтарда Біләл өз кабинетіне шақыртып, ақша болмаса, қойылым да болмайтынын айтып, айқайлады. Ақша болмағасын, кетіп қалдым”- деді ол.

Сол кезде Баяновта тергеу органдары орнатқан тыңдау құрылғысы да болған. Бірақ, әңгіме жазылмай қалған.

Куәгер Баянов 600 мың теңгені қайтаруға ниетті екенін айтты.

Бұған дейін куәгер болып келген «Сезам» қорының директоры Қайрат Баянов азаматтық арызданушы болуға ниет білдірген еді. Оған Біләлдің қорғаушысы мен мемлекеттік айыптаушы қарсы шығып, бұл істе тек мемлекет жапа шегуші екендігін жеткізді.

Алдыңғы сот отырысында Ерлан Біләл 600 мың теңгені қарызға таратып тастағанын айтты.

Еске сала кетейік, Алматыда М.Әуезов атындағы Қазақ мемлекеттік академиялық драма театрының директоры, белгілі актер Ерлан Біләл 900 мың теңге көлемінде пара алып жатқан жерінен ұсталған болатын.

Тағы оқыңыз:

Астанада жігітінің жыныс мүшесін кесіп алған әйелдің хиджаб киетіні белгілі болды

Аш болсаңдар көрер ем: Азамат Сатыбалды есірген жастарды сынға алды

Қазақ әншісі: Аңдығаны қыз, ішкені арақ, сөйте тұра “Ұлтымыз азып барады” деп сұхбат береді

Кешір, ұлым: Ақын Қалқаман Сарин ұлынан айырылған журналистің атынан өлең жазып жұртты жылатты

Талқылау