Матаев Алматы облысының Заречное ауылындағы колониядан бүгін күндіз босап шықты. Таңертеңнен бері қақпаның алдында оны туыстары мен журналистер күтіп отырды, деп хабарлайды Sputnik.

“Ерекше қуанып тұрған жоқпын. Мен өзімді бостандыққа шықтым деп есептемеймін, өйткені ұлым қамауда отыр. Түптеп келгенде, біздің ісімізді білесіздер, бұл саяси тапсырыс болды, біз кінәмізді мойындаған жоқпыз. Қаржы полициясы, прокуратураның барлық айыптауларын, соттың шешімін қабыл алмадық”, — деді журналистерге Матаев.

Ол біраз уақыт емделгеннен кейін кәсіби қызметіне кірісуді жоспарлап отырғанын айтты.

“Ешкімге кек сақтамаймын, өш алатын ойым жоқ. Ондай адамдардың қатарынан емеспін, өйткені қажыға барғанмын. Ол (колония — ескерт.) мен үшін қандай да бір сынақ болды”, — деп толықтырды ол.

Естеріңізге сала кетейік, 16 қараша күні Алматы облысының Қапшағай қалалық соты Қазақстан журналистер одағының бұрынғы басшысы Сейітқазы Матаевты шартты түрде мерзімінен бұрын босату туралы өтінішті қанағаттандырған болатын.

Сейітқазы Матаев пен оның «ҚазТАГ» ақпараттық агенттігін басқарған ұлы Әсет аса ірі көлемде бюджет қаражатын жымқырды және аса ірі көлемде салық төлеуде жалтарды деп айыпталды.

Тағы да оқыңыз:

Халықтың жайын кім ойлайды: Журналист Жансейіт Түймебаевқа сауал жолдады

Алматылықтар Шымбұлақтың қымбаттауына қарсы байкот жариялады

Елбасы «Қазақстанның 100 жаңа есімі» жобасының жеңімпазына басшылық қызмет ұсынды

Талқылау