Экология вице-министрі тағайындалды
Үкіметінің қаулысымен Мұқатаев Серікәли Мұхаметкәрімұлы Қазақстан Республикасының экология, геология және табиғи ресурстар вице-министрі қызметіне тағайындалды, деп хабарлайды Stan.kz ақпарат агенттігі.
Бұл туралы премьер-министрдің баспасөз қызметі мәлімдеді.
Серікәли Мұқатаев 1964 жылы Алматы облысында дүниеге келген. Жамбыл гидромелиорация құрылыс институтын бітірген.
Еңбек жолын 1990 жылы Сарқан қаласының №55 жылжымалы механикаландырылған колоннаның шебері болып бастады, онда 1997 жылға дейін әртүрлі лауазымдарда жұмыс істеді.
1997-2000 жылдары жеке ұйымда жұмыс істеді.
2000-2003 жылдары – Сарқан аудандық әкімдігінің мәдениет бөлімінің бас маманы.
2003 жылы Сарқан ауданы әкімі аппаратының тұрғын үй-коммуналдық шаруашылығы бөлімінің бас маманы болды.
2005-2010 жылдары – Сарқан ауданы әкімі аппараты құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімінің бастығы.
2010-2020 жылдары – ауыл шаруашылық министрлігінің су ресурстары комитеті су ресурстарын пайдалануды реттеу және қорғау жөніндегі Балқаш-Алакөл бассейндік инспекциясында басшылық қызметтерді атқарды.
2020 жылғы наурыз-сәуірде – су ресурстары комитеті төрағасының орынбасары.
2020 жылғы сәуір-шілде аралығында – су ресурстары комитеті "Қазсушар" РМК-ның "Д. Қонаев атындағы Үлкен Алматы каналы" филиалы директорының орынбасары.
2020 жылдың шілде айынан бастап қазіргі уақытқа дейін су ресурстары комитеті "Қазсушар" РМК-ның "Д. Қонаев атындағы Үлкен Алматы каналы" филиалының директоры болды.