Серік Сүлейменов президенттің Байқоңырдағы арнайы өкілі қызметінен кетті
Серік Сүлейменов президенттің Байқоңырдағы арнайы өкілі қызметінен босатылды, деп хабарлайды Stan.kz ақпарат агенттігі Ақорда сайтына сілтеме жасап.
"Мемлекет басшысының Өкімімен Серік Жүсіпұлы Сүлейменов Қазақстан Республикасы президентінің "Байқоңыр" кешеніндегі арнайы өкілі қызметінен босатылды", - делінген хабарламада.
Ол бұл қызметке 2020 жылдың сәуір айында тағайындалған болатын.
Серік Сүлейменов 1966 жылы дүниеге келген. Киров атындағы Қазақ мемлекеттік университетін математика және құқықтану мамандығы бойынша бітірген. Осы жылдар ішінде Президент Әкімшілігінде, премьер-министр Кеңсесінде және квазимемлекеттік секторда қызметтер атқарды.
Талқылау