Сенатор Павлодар облысын мысалға алды, онда өңірлік басқарманың 45 қызметкері 598 білім беру мекемесінің жұмысын қамтамасыз етуге жауапты. Сенатордың пікірінше, қызметкерлер санының аздығына байланысты мектептердің жұмысын үйлестіру мен қадағалау сапасы айтарлықтай зардап шегеді.

"Аудандар мен қалалардың экономика, қаржы және басқа да органдарына жүктелген қаржы, мүлік, материалдық-техникалық қамтамасыз ету, кадрлық қамтамасыз етудің барлық мәселелері енді облыстық білім басқармасына жүктелді. Олар кадр тапшылығынан барлық қаржылық процедураларды уақтылы және сапалы жүргізе алмайды", – деді Жөргенбаев сенаттың жалпы отырысында.

Депутаттың айтуынша, менеджменттің жаңа жүйесі енгізілгеннен кейін, әсіресе, жылу беру маусымында мектеп мәселелерін шешудегі тиімділік те төмендеді. Ол қазандықтар мен олардың жұмысшылары, отынмен қамтамасыз ету мәселелері облыстық теңгерімге, ал оқу орындарының ішіндегі жылу жүйесінің өзі облыстық теңгерімге берілгенін атап өтті.

"Бұл ретте облыстық білім басқармалары білім беру саласындағы мемлекеттік сатып алуды ұйымдастыра алмайды. Себебі, мектептер мен балабақшалар аудандық білім бөлімдерінің бақылауында", – деп түсіндірді сенатор.

Ол өңірлердің жыл бойы жинақтаған тәжірибесі талдауды қажет ететінін, оның қорытындысы бойынша мемлекеттік сатып алу туралы заңға тиісті түзетулер енгізу ұсынылатынын қосты.

"Сонымен қатар мектеп ғимараттарын бірыңғай әкімшілік кешен ретінде аудан әкімдіктерінің теңгеріміне немесе аутсорсингке беру жөніндегі халықаралық тәжірибені пайдалануды ұсынамын. Олар мектептерді күтіп ұстауға, ағымдағы және күрделі жөндеуге жауапты болады", –деді Жөргенбаев.

Оның ойынша, мұндай жағдайда педагогикалық ұжым тек балаларды оқытумен ғана айналысуы керек. Сонда ұстаздардың рөлі артып, білім сапасы артады.

Талқылау