Семей түрмесінде төтенше жағдай болды деген ақпарат тарады: Қылмыстық-атқару жүйесі тұтқын қайтыс болғанын растады
Фото: Pixabay.com
Семейде түзеу колонияларының бірінде төтенше жағдай болғаны туралы қауесеттер таралып жатыр. Желі қолданушылары тұтқынның қайтыс болғанын жазып жатыр. Ішкі істер министрлігінің Қылмыстық-атқару жүйесі комитеті бұл ақпаратқа түсініктеме берді. Бұл туралы Stan.kz ақпарат агенттігі хабарлайды.
Бұған дейін әлеуметтік желілерде Семейдегі түзеу мекемелерінің бірінде төтенше жағдай болғаны туралы хабарламалар тарады. Хабарлама авторларының айтуынша, бір тұтқын колонияда қайтыс болған, тоғыз адам жарақат алып ауруханаға жеткізілген, тағы екеуі із-түссіз кеткен. Тұтқындардың туыстары оларға ресми ақпарат берілмей жатқанын айтады.
Ақмола облысында ер адам түрмеге түсіп, тегін өмір сүру үшін қылмыс жасаған
Алайда Абай ауданы бойынша қылмыстық-атқару жүйесі департаменті тұтқындардың ауруханаға жаппай жеткізілгені туралы ақпаратты жоққа шығарды.
"Зорлау бойынша жазасын өтеп жатқан сотталушы мекеменің медициналық бөліміне денсаулығының нашарлағанына шағымданып келді. Тексеруден кейін оған алғашқы медициналық көмек көрсетіліп, дереу жедел жәрдем шақырылды. Алайда қабылданған шараларға қарамастан, сотталушы ауруханада қайтыс болды", – деп хабарлады ҚАЖ.
Агенттік жалған ақпарат таратқаны үшін жауапкершілік барын ескертіп, адамдарды ресми дереккөздерге сенуге шақырды.
Республика күнінің маңызы не, мерекені не себепті қайтарды – Саясаттанушылар жауап берді
