"Саяжайында қамауға алындым": Мақпал Жүнісова тұрмысқа шыққан сәтін есіне алды

Фото: https://www.instagram.com/zhunusova.makpal/

ҚР Халық әртісі Мақпал Жүнісова тұрмысқа шыққан сәтін есіне алды. Бұл туралы Stan.kz ақпарат агенттігі хабарлайды. 

Өнер иесі 1991 жылы түсірілген видеоны бөлісті. Ол жерде Асқар Тоқпанов әншіге ақжол тілеп, бата берген. Сөзінше, тұрмысқа шығып, ұл мен қыз туып ал деген. Алайда халық әртісі ол кезде бойдақ екенін айтты. 

“Зәкеңмен бұл кезде жақын емес едік. Көмекшілерінен гүл мен хат беріп жіберетін. 1991 жылы мамыр айында бәрінен аман едім. 1991 жылы қарашада Горисполкомның саяжайында қамауға алындым”, – деп жазды әнші. 

• "Бір жылап, бір күліп отырмын": Мақпал Жүнісова отбасылық видеоларын бөлісті

• "Тырнағым түбінен сынды": Мақпал Жүнісова қол-аяғын жарақаттап алды

Желі қолданушылары әртіске ақжарма тілектерін жаудырып жатыр. 

“Қандай ғажап! Қазақтың бата дарыған аяулы қызы жасай берсін”, “Жүректен шыққан ақ бата қабыл болсын! Асқар атамыздың жаны жәннатта болсын!”, “Мақпалға қазақ өнерінің майталмандары кезінде лайықты бағасын берген екен”,  “Асқар Тоқпанов аңыз адам ғой. Алла Мейіріміне алсын! Мақпал апай қазақтың кіл жақсысынан жоғары баға алған бақытты әншісіз! Алла Сізге ұзақ өмір берсін!”, – деп жазды көпшілік. 

Еске салайық, Мақпал Жүнісова есінде қалған ерекше сыйлықтарын айтып, 100-ге жуық жылқы мінгенін жазды.