Сәуір айында 2 млн қазақстандық вакцина салдырады

Сәуір айында екі миллион қазақстандық вакцина ала алады. Бұл туралы денсаулық сақтау бірінші вице-министрі Марат Шоранов мәлімдеді, деп хабарлайды Stan.kz ақпарат агенттігі. 

Шорановтың айтуынша, бүгінде бірінші компонентпен 435 мың адам, екінші компонентпен 170 мыңнан астам азамат вакцинацияланған.

"Коронавирустық инфекцияға қарсы егу жалғасуда. 1 сәуірден бастап вакцинацияға жататын адамдардың санаттары кеңейтілді. Кестелерді жергілікті атқарушы органдар жасайды. Бүгінгі күні 435 мың азамат бірінші компонентпен, ал 107 мыңнан астам қазақстандық екінші компонентпен вакцинацияланды. Сәуір айының басынан бастап аймақтарға Sputnik V вакцинасының 923 мыңнан астам дозасы жеткізілді. Сәуір айының соңына дейін 910 мың доза, басқа өндірушілердің 500 мың дозасы және 25 мың QazVac вакциналары жеткізіледі деп күтілуде. Сәуірдің соңына дейін 2 миллионға жуық қазақстандық үшін вакцина қолжетімді болады", - дейді Шоранов.