Соңғы жаңалықтар
Соңғы жаңалықтар

Сатушыны өлтіремін деп қорқытқан: Түркістанда ер адам құны 7 миллион теңгенің зергерлік бұйымдарын ұрлап кеткен

Түркістан облысының полицейлері сауда орталығынан зергерлік бұйымдарды ұрлады деген күдікпен ер адамды ұстады. Қолды болған әшекейлердің жалпы сомасы 7 миллион теңге (16,2 мың доллар) болды. Бұл туралы Stan.kz ақпарат агенттігі Polisia.kz порталына сілтеме жасап хабарлайды.

Түркістанның сауда орталықтарының бірінде белгісіз ер адам қару-жарақпен және физикалық күшпен қорқытып, алтын бұйымдарды ұрлап, ізін суытқан.

Аталған фактіні полиция қызметкерлері қылмыстық кодекстің 192-бабы "Қарақшылық" бойынша тіркеген. Аймақ полициясы қылмыскерді ұстау үшін тәжірибелі қызметкерлер қатарынан жедел-тергеу тобын құрды.

Тәртіп сақшылары шабуылдан кейін күдіктінің қала көшелерімен қашып кеткенін анықтады. Ер адам бейнекамералар мен қуғыннан құтылу үшін басқа киім ауыстырып, таксиге отырып, Кентауға қарай бет алған. Мұнда ер адам алтын заттардың бірін ломбардқа тапсырып, ақшаны өз қажеттіліктеріне жұмсаған.

Полицейлер екі күннен кейін күдіктінің ізіне түсіп үлгерді. Ол Түркістан қаласының жұмыссыз тұрғыны болып шықты. Күдікті Кентау көшелерінің бірінде ұсталып, уақытша ұстау изоляторына қамалды.

Қазіргі уақытта Түркістан полиция басқармасының тергеушілері сотқа дейінгі тергеу жүргізуде. Заттай дәлелдемелер ретінде тәркіленген алтын бұйымдар заңды иесіне қайтарылды.

Ер адам үш жылдан 15 жылға дейін бас бостандығынан айырылуы мүмкін. Тергеу жалғасуда.

Талқылау
Пікір
Қазір оқып жатыр
Çàãðóçêà...
Қазір оқып жатыр