Сарапшылар: Bek Air ұшағының қозғалтқышы істен шығуы мүмкін

Z2100 рейсін орындайтын Fokker-100 ұшағы Алматы әуежайынан кесте бойынша ұшып шыққан. Bek Air авиакомпаниясының өкілдері рейске дайындық әдеттегідей жүргізілгенін айтады. Ұшақты тексерістен өткізгенде ешқандай ақау болмаған, деп хабарлайды Stan.kz ақпарат агенттігі "КТК" жаңалықтарына сілтеме жасап.

Жұма күні әуежайда таңертең бірқалыпты болған. Жауын-шашын болмаған. Сарапшылар лайнер ұшу-қону сәтінде мұздық қатуы мүмкіндігін жоққа шығарды. 

Онда Bek Air не себептен ұша алмай қалды? Ұшақ ұшып-қону жолағынан шығып кетіп, артқы жағы екі рет ұрылған. 671 метр биіктікке дейін ұшып үлгерген. Алайда сол уақытта бірнәрсе дұрыс болмай, үйдің үстіне құлаған.

Ішкі істер министрлігі үш нұсқаны ұшақтың техникалық ақаулығы, ауа-райының жағдайы және экипаждың қателіктері бойынша қарастырып жатқанын айтты .

Fokker-100 ұшағына 23 жыл болған. Зауыттан шығарғаннан кейін ол Тайваньда, 2009 жылдан 12-жылға дейін Германияда екі авиакомпанияда жұмыс істеген. Алты жыл бұрын лайнерді қазақстандықтар сатып алған. Бірақ авиация мамандары бұған қарап оған теріс шығаруға болмайтынын айтады. Бұл қайғылы жағдайға әкелуі мүмкін емес дейді.

«Егер әуе кемесі қалыпты режимде жұмыс істесе, жоспарланған жұмыс қалыпты және уақытында аяқталады, оның бөліктері сертификатталған. Бұл жай жерде құрастырылса да, сертификатталған ұшақтың ұшуға құқығы бар», – дейді тәуелсіз сарапшы Юрий Антипов.

Төтенше оқиға болған жердегі алғашқы кадрлар күдік туғызады. Мәскеудің тәуелсіз сарапшысы Юрий Антипов лайнердің қозғалтқышы істен шығуы мүмкін деп санайды. Ұшақ ғимаратқа соғылған кезден-ақ ол істемей тұрғанын айтады.

«Егер жұмыс істеп тұрған қозғалтқыш болса, ол онда өшірулі болса да қарды сорып немесе артық нәрселерді өзіне сорып алуы керек еді. Бірақ, мен бейнені көргеннен кейін оң жақ қозғалтқыштың істен шыққанын аңғардым. Өйткені ол жағы қардан да, қоқыстан да таза тұр. Сол себептен де бір қозғалтқышта ақаулық болған деп санаймын», – дейді Юрий Антипов.

Антипов ұшқыштардың қателігін жоққа шығарады, өйткені көп тонналы машинаны басқаруға болмады деп санайды.

«Ұшақ жерге құлап, ғимаратқа соғылып, бетонды тесіп өткен. Мұндайда ұшқыштар бір нәрсе жасай алды деп ойламаймын. Сол уақытта іштегі адамдар зардап шеккен деп ойлаймын», – дейді Антипов.