Сәкен Исабеков Мемлекеттік күзет қызметінің басшысы болып қайта тағайындалды
Президент Қасым-Жомарт Тоқаев Сәкен Исабековті Мемлекеттік күзет қызметінің басшысы етіп қайта тағайындады, деп хабарлайды Stan.kz ақпарат агенттігі.
"Мемлекет басшысының Жарлығымен Сәкен Сайынұлы Исабеков Қазақстан Республикасы Мемлекеттік күзет қызметінің бастығы лауазымына тағайындалды", – делінген Ақорда таратқан ақпаратта.
Исабеков Сәкен Сайынұлы 1980 жылы 10 ақпанда дүниеге келген. Қонаев атындағы университетті заңгер мамандығы бойынша бітірген. 2003-2021 жылдар аралығында Мемлекеттік күзет қызметінде әртүрлі офицерлік және басшылық қызметтерде болды. 2021-2022 жылдары Мемлекеттік күзет қызметі басшысының орынбасары – Президенттің күзет қызметінің басшысы болды.
6 мамырда Мемлекет басшысының Жарлығымен оған Мемлекеттік күзет қызметінің генерал-майоры арнайы атағы берілді.
ІІ дәрежелі "Айбын" орденімен және ІІІ дәрежелі "Мінсіз қызмет үшін", І, ІІ, ІІІ дәрежелі "Елбасының қауыпсіздігінің айбынды атқарғаны үшін" медальдарымен марапатталған.
"Күйеуім бала көтертпеу үшін вазэктомия жасатты": Екі баласымен корей азаматына күйеуге шыққан әйелдің өмірі қалай өзгерді
