Сәкен Бибосынов лицензиялық турнирдегі алғашқы жекпе-жегінде уақытынан бұрын жеңіске жетті
Бокстан әлем чемпионы Сәкен Бибосынов Италияда өтіп жатқан лицензиялық турнирде қарсыласын айқын басымдықпен ұтты. Бұл туралы Stan.kz ақпарат агенттігі хабарлайды.
Фото: Олимпиада комитеті
Сәкен Бибосынов Италияның Бусто-арсицио қаласында өтіп жатқан лицензиялық турнирдегі алғашқы жекпе-жегін өткізді. 51 келіде жұдырықтасатын отандасымыз Гонконг спортшысы каннет Чунды 3 рет нокдаунға жіберіп, жекпе-жекті уақытынан бұрын аяқтады. Отандасымыз келесі айналымда кениялық Дэвид Мачариаға қарсы жұдырықтасады.
Айта кетейік, әйелдер арасында сынға түскен Римма Волосенко да алғашқы жекпе-жегінде Тианна Гуиді жеңген еді.
Талқылау