Сафар Шакеевтің қайда екенін айтқан адамға 10 млн теңге сыйақы беріледі
Композитор Еркеш Шакеевтің ұлы Сафар Шакеевтің қайда екенін айтқан адамға 10 млн. теңге сыйақы беріледі.
Сурет: 365info.kz
«Күні бойы іздеу жұмыстарын жүргіздік. Әзірше еш нәтиже жоқ. Сафар Шакеевтің қайда екенін айтқан адамға 10 млн. теңге сыйақы тағайындалды. Еріктілерді таңғы 7-ден бастап «Сейфуллин» және «Алдар көсе» көшелерінің қиылысында жинаймыз. Тағы да адамдар керек.
Бұл жігітті өз басым танимын. Өте сенгіш, мейірімді, адал жігіт. Ол табылады деп үміттенемін», – деп жазды Алматы қаласының қоғамдық кеңесінің мүшесі Бекнұр Қисықов Facebook-те.
Бұған дейін сазгер Еркеш Шәкеевтің ұлы жоғалып кеткенін, экс-министр Зейнолла Кәкімжанов Еркеш Шәкеевтің ұлын іздестіру жұмыстарына атсалысқанын хабарлаған едік.
Талқылау