Рудныйда мас күйінде болған азамат қолына пышақ алып, тұрғындарға сес көрсеткен
Рудный қаласында мас адам өтіп бара жатқан адамдарға қауіп төндірген деп хабарлайды Stan.kz ақпарат агенттігі. Бұл жөнінде ішкі істер министрлігінің ресми сайты жазады.
3 наурызда сағат 19:30-да Рудный қаласының 102 пультіне рудныйлық тұрғыннан қалалық үйлердің бірінің ауласында өтіп бара жатқан адамдарға қауіп төндіретін мас күйіндегі ер адам бар екендігі туралы хабарлама келіп түскен.
"Оқиға орнында полиция жасақтары мен учаскелік инспекторлар қала тұрғындарың қорқытқан адамды байқады, ол сондай-ақ полиция қызметкерлеріне де сес көрсетті. Оның қолында пышақ болды. Полиция қызметкерлері бұзақыны залалсыздандырды", - делінген полиция таратқан ақпаратта.
- Саусағын кесіп ала жаздаған: БҚО-да мас ер адам дүкен сатушысына шабуыл жасады
- "Ауруханаға түсті": Астанада мектеп директорын пәтерінде пышақтап кеткен
Қазіргі уақытта ол медициналық айықтырғышқа орналастырылған.
"Ұсақ бұзақылық бойынша полиция қызметкерлерінің заңды талаптарына бағынбау және қоғамдық орында балағат сөздер айтқаны үшін әкімшілік материалдар жиналды. Үш факті бойынша шешімді әкімшілік сот қабылдайды", - деп қосты полиция.