Риолық жезөкше секс бойынша олимпиада алтынын алуды жоспарлап отыр (фото)

23 жастағы Джулиана – Рио-де-Жанейро олимпиадасы кезінде клиенттер қабылдап кәсібін дөңгелететін 12 мың жезөекшенің бірі ғана. Ол көп ақша табу үшін тіпті бағасын да көтерген. Бразилияда жезөкшелік заңды нәрсе деп қарастырылғанымен, полицейлер олимпиада ойындары кезінде оларға қатысты қатаң шаралар қабылдауы да мүмкін.

Қыздар клиенттерін Фейсбук және Tinder желісі арқылы табады. “Бұл көбірек ақша тауып қалуға үлкен мүмкіндік. Мен осы жарыстар барысында мені өзімен бірге алып кететін тамаша жігітті кездестіремін деп үміттенемін” дейді ол.

Спортшылармен бірге өзінің де кәсібі қызатынын ол жасырмайды. “Мен өз бизнесім бойынша олимпиада алтынын алғым келеді. Бірақ, мұнда бәсекелестік ауқымы өте кең” дейді Джулиана.

Бруна деген лақап атпен клиенттерін қабылдайтын ол, заң өкілдерінің қабылдайтын шарасы секс-индустрияға кері әсерін тигізбейді деп ойлайды. “Менің клиенттерімнің арасында да полицейлер бар. Бұлай ақша табудың қандай әбестігі бар. Қазір елдің экономикалық ахуалы да онша емес, кім қалай ақша тапса да өз еркі” деді ол.

Әдетте аптасына 3-4 түн ғана қызмет ететін ол, енді олимпиада күндері әр түнін сауық-думанмен өткізгісі келеді.

Джулиананың айтуынша, сән салонындағы жұмысынан шығып кеткеннен бері бір жыл уақытта ол осы кәсіптің арқасында бірнеше мың доллар жинап, байып алған.

Оның ата-анасы қыздары туралы ештеңе білмейді. Олар әлі оны сән салонында жұмыс істейді деп ойлайды екен.

“Маған осы ісім ұнайды. Осы арқылы мен керемет жағдай жасадым: көлік, пәтер, компьютер және телефон, бәрі қымбат маркалы. Ағылшын тілін үйреніп жүрмін, арманым әлемді аралау”, – дейді Бруна.

Джулианнаның тұрақты клиенттерінің арасында британдықтар, американдықтар, немістер және италияндықтар бар екен.