“Сізді шын жүректен құттықтаймын және президент мырзаға маған айтқан сөздеріңіз үшін алғыс айтамын. Мен бейбітшіліктің зияратшысы болып, диалог пен бірлік іздеп келген осынау байтақ әрі тарихи жерде сіздермен бірге болғаныма өте қуаныштымын. Біздің әлемде үйлесімділікті шұғыл түрде қалпына келтіру қажет. Үйлесімділікті бұл елде мен бұрыннан білетін дәстүрлі музыкалық аспап – домбыра тамаша бейнелейді. Ол Қазақстанның мәдени символы, сонымен қатар елдің ең маңызды рәміздерінің бірі - маңыздылығы сонша, жақында оған ерекше күн арналды.

Осы сапарға дайындала отырып, мен олардың орта ғасырларда домбыраның кейбір түрлерінде ойнағанын, оның сүйемелдеуімен дастандар мен жырларды айтып, өткенді бүгінмен байланыстыратынын білдім. Оған қоса, жұма күні ата-баба құрметіне жеті нан пісіру деген кең тараған тамаша әдет те таңқалдырды.

Домбыраға қайта оралайық: екі ішекті шерту арқылы ойнайды. Қазақстан "екі параллель жіптің" арасында үйлесімділік тудырып, алға ұмтылу қабілетін де сипаттайды: қыста қатты аяз, ыстық жаз; дәстүр мен прогресс, ежелгі қалалардың жаңа заманауи қалалармен кездесуімен бейнеленген - оның астанасы сияқты. Домбыра ішектері әдетте басқа ішекті аспаптармен бірге дыбысталады – олардың үні біртұтас хорға біріктіріліп, қоғамдық өмірді ретке келтіретін үйлесім қалыптастырады. Бірақ, ең алдымен, бұл елде азиялық және еуропалық әуендер шырқалады, соның арқасында оның миссиясы екі құрлықты байланыстыру, "Еуропа мен Азия арасындағы көпір", "Шығыс пен Азияны байланыстыратын дәнекер болу”, – дейді Рим Папасы.

Сонымен қатар, Рим Папасы еліміздің көпұлтты мемлекет екенін баса назарға ала отырып айтып өтті.

"Жергілікті халық даналығы "Ырыс басы – ынтымақ" екенін айтады. Бұл бүкіл жерде, сөзсіз, маңызды мәселе. Бірақ мұнда ол сөздің мәні тіптен ерекше. Елдеріңізде шамамен 150-ге жуық этникалық топ пен сексеннен астам тіл кездеседі. Бұл – тарихы, мәдени және діни дәстүрі алуан түрлі, баршасы бірігіп теңдессіз симфония түзетін, Қазақстанды көпұлтты, мультимәдениетті, көпдінді бірегей зертхана етіп тұрған халықтар. Осы қыры Қазақстанға табысу елі етуге үндейді. Қазақстанның Конституциясы бұл елдің зайырлы мемлекет екенін айқындап тұр. Сол арқылы дін мен сенім-нанымның еркіндігіне кепілдік берілген. Бұл зайырлылықтың салауатты сипаты экстремизмге қарсы тосқауыл бола алатындығымен құнды. Әр азаматтың теңдігі үшін қажетті ең негізгі жағдайды жасалған”, – дейді ол.

Талқылау