Риддердегі жылу орталығында тағы апат болды
Шығыс Қазақстан облысы Риддер қаласындағы жылу электр орталығында тағы апат болды деп хабарлайды Stan.kz ақпарат агенттігі.
Қала әкімдігінің мәліметіне сүйенсек, 18 сәуірге қараған түні жылу электр орталығындағы қазандықтардың бірі апатты жағдайда істен шыққан.
"Жоғары қысымды қазандық апатты жағдайда өшірілді. Шұғыл түрде резервтік қазандық іске қосылды. Енді жылу жүйесіндегі температура біртіндеп көтеріледі", - делінген ақпаратта.
Айта кетейік, өткен жылдың соңында жылыту маусымы басталғалы Риддер жылу электр орталығы температура режимін 133 рет бұзған.
Талқылау