Риддерде ер адам орманда жоғалып, жалаңаяқ түнеп шыққан
Риддерде орманда жоғалып кеткен ер адамды құтқарушылар тапты. Бұл туралы Stan.kz ақпарат агенттігі Астана арнасына сілтеме жасап хабарлайды.
МӨСШ-1 және полиция қызметкерлерінен іздеу тобы дереу ұйымдастырылды.
Ер адаммен бірге бірнеше адам орманға барған, олар оның жоғалғанын дереу хабарлады.
Құтқарушылар ер адамды жолдан төрт км жерден тапты. Жәбірленуші тоңғанынан өздігінен қозғала алмай қалған, сондықтан оны көлікке дейін көтеріп әкелген.
Ер адамның айтуынша, ол бір топтан ажырап, батпақты жерге түсіп, аяқ киімін жоғалтқан. Ол суық орманда түнеп шықты. Аяғы тоңғаннан жүре алмай қалған.
Дәрігерлер тексергеннен кейін ер адам ауруханаға жатудан бас тартты.
Талқылау