"Министрлік бұл стансалардың құрылысын ашық инвестициялық тендер негізінде жүргізді. Барлық тендерлер өтпей қалды. Инвесторлар табылмады. Бұл ЖЭО көмір мен газ бойынша жұмыс істеуі керек деген күрделі мәселелер бар. Орталық көмірмен жұмыс істейтін болғандықтан халықаралық қаржы институттары да, коммерциялық банктер де қаржыландыруға дайын емес. Біз шығарындыларға, яғни қоршаған ортаны қорғауды қамтамасыз ету үшін айтарлықтай қатаң талаптар қойдық. Көптеген елдер бұл тендерлерге қатысуға, сонымен қатар қаржыландыруға дайын еместігін ескере отырып, біз ресейлік тараптың ірі жылу электр станцияларын салу процесіне қатысуға мүдделілігін ескере отырып, осы меморандумға қол қойдық", – деді Алмасадам Сатқалиев.

Сондай-ақ энергетика министрі Ресейдің Қазақстан аумағында атом электр станциясын салу мүмкіндігі туралы сұраққа да жауап берді.

“Бұл бір-бірімен байланысы жоқ екі параллель процесс. Атом электр станциясына келсек, негізгі шешім референдум нәтижелері бойынша қабылданады", – деді Сатқалиев.

Министр ресейлік ядролық технологиялар құрылысы жағынан ең қауіпсіз, тиімді және арзан екенін айтты.

"Энергия жабдықтарына келетін болсақ, Еуропа елдерінің өндірушілері түрік және кореялық мердігерлер сияқты мердігерлік жұмыстар бойынша өте күшті екені анық. Біз атом электр станциясын ешқашан ресейлік жоба ретінде қарастырған емеспіз. Ол халықаралық жоба болады, ал Қазақстан ең үздік технологияларды таңдайды", – деді министр.

Еске салсақ, бұған дейін Қазақстан мен Ресей Көкшетау, Семей және Өскеменде жылу электр станцияларын салу туралы меморандумға қол қойғаны туралы жазған болатынбыз.

Талқылау