Рамзан Қадыров: Менің Қазақстанға, қазақ халқына деген қарым-қатынасым ерекше (видео)
Шешенстан Республикасының басшысы Рамзан Қадыров Қазақстан мен ел тұрғындарына деген қарым-қатынасы ерекше екенін айтты, деп хабарлайды Stan.kz.
Таяуда қазақстандық телеарналардың эфиріне президенттің телерадиокешені дайындаған «Бір тағдыр» фильмі шығады. Қадыров қатысқан фильмнің үзіндісі желіде жарияланды.
«Менің Қазақстанға, қазақ халқына және Қазақстан басшылығына деген қарым-қатынасым ерекше. Себебі менің әкем Қазақстанда дүниеге келген. Атамның бауыры сол жерде жерленген. Бізде әскери кампания болғанда, бізге көмек қолын созып, көмектескен Қазақстан басшылығы – президент Нұрсұлтан Әбішұлы мен оның командасы болды. Біз Грозный қаласын қалпына келтіруді бастағанда тазалауға арналған арнайы техниканы қазақтар, біздің бауырларымыз алып берді. Сондықтан біз президент пен Қазақстан халқына өмір бойы алғыс білдіріп өтеміз», - дейді Рамзан Қадыров.
Президент телерадиокешенінің «Бір тағдыр» аталатын жаңа деректі фильмі «Хабар» арнасынан көрсетіледі.
Stan.kz сайтын Telegram арқылы оқыңыз. Арнамызға жазылыңыз.