Ол корпоративтік басқарудың жүйелілігі – шешімдерді дер кезінде қабылдау мен тәуекелдерді азайтуды қамтамасыз ете отырып, компанияның бизнес-процестерін тиімді басқаруға мүмкіндік беретін тәсіл екенін алға тартты.

“Бұл тәсіл тәуекелдерді басқаруды, процестерді басқаруды және сапаны басқаруды қоса алғанда, басқарудың заманауи әдістерін пайдалануға негізделеді.

Тәуекелдерді басқару – бұл тәуекелдерді анықтау, бағалау және басқару процесі, бұл компанияның мақсаттарына қол жеткізуіне ықпал ете алады. Бұл болашақта туындауы ықтимал проблемаларды басқаруға мүмкіндік беретін, жүйелік корпоративтік басқарудың маңызды бөлшегі. Бұған әлеуетті тәуекелдер мен бизнес-процестердегі проблемаларды анықтау үшін компанияны тұрақты аудиторлық тексеру болып табылады. Басқа бір мысал, компания басшылығы үшін тәуекелдер туралы тұрақты есептер жасау, бұл тәуекелдерді азайту үшін дер кезінде шаралар қабылдауға мүмкіндік береді”,- деді Өтешев.

Қаымдастық төрағасы ал процестерді басқару тиімділікті, сапаны арттыруға және компанияның өнімділігін оңтайландыруға бағытталған бизнес-процестерді басқару процесі екенін баса айтты. Айтуынша бұл өнімдер мен көрсетілетін қызметтердің сапасын арттыруға, процестерді жылдамдатуға және шығындарды азайтуға мүмкіндік береді.

“Процестерді басқаруды пайдаланудың мысалы процестер диаграммасын құру бола алады, ол компанияның барлық жұмыс процесін бақылауға және осал тұстар мен әлсіз буындарды анықтауға мүмкіндік береді. Тағы бір мысал әрбір бизнес-процесс үшін нысаналы көрсеткіштер белгілеу, бұл компания жұмысының тиімділігін бақылауға мүмкіндік береді.

Сапаны бақылау клиенттердің қажеттілігін қанағаттандыру мен компанияға сенімді арттыруға бағытталған өнімдер мен көрсетілетін қызметтердің сапасын қамтамасыз етудің жүйелі тәсілі. Бұл жүйелік корпоративтік басқарудың маңызды бөлшегі, ол өнімдер мен көрсетілетін қызметтердің сапасын арттыруға, өнімділікті жақсартуға және клиенттердің қанағаттану деңгейін ұлғайтуға мүмкіндік береді”,- деп қосты ол.

Нұрлан Өтешов сапаны басқаруды пайдаланудың мысалы персоналды сапа стандарттары бойынша оқыту жүйесін құру және олардың сақталуын бақылау бола алатынын алға тартты. Бұл персоналдың жұмыс сапасын арттыруға және кемшіліктер санын азайтуға мүмкіндік береді екен.

“Сондай-ақ сапаны басқаруға жүйелі тәсілін пайдалану кезінде клиенттердің шағымдары мен ұсынымдарын есепке алу рәсімін енгізуге болады, бұл олардың пікірін ескеру және компания жұмысына қажетті өзгерістер енгізу үшін қажет. Бұл да компанияның имиджін жақсартуға және клиенттердің адалдығын арттыруға көмектесе алады. Жалпы корпоративтік басқарудың жүйелілігі тәуекелдерді басқарудан бастап сапаны басқаруға дейін, компанияның бизнес-процестерінің барлық аспектілерін есепке алуды болжайды. Бұл компанияларға қазіргі заманғы нарық жағдайында өздерінің мақсатына неғұрлым тиімді және тұрақты қол жеткізуге мүмкіндік береді”,- деді ол.

Сонымен қатар, Нұрлан Өтешов сайлау қорытындысы бойынша "Аманат" партиясынан Астана қаласы мәслихатының депутаты болып тағайындалды.