Qarmet металлургиялық комбинаты өндірісті газдандыру жобасын іске асыруды бастады
Qarmet металлургиялық комбинаты өндірісті газдандыру жобасын іске асыруды бастады. Бұл ауқымды бағдарлама – қоршаған ортаға шығатын зиян қалдықтарды барынша азайтуға бағытталған және комбинат тарихындағы ең ірі экологиялық бастама.
Табиғи газға көшу жұмыстары қарқынды жүріп жатыр. Жоба аясында кәсіпорынды зауыттан 25 шақырым жерде орналасқан "Сарыарқа" газ құбырына қосуды көздейді. Бұл ауысу өндірістің тұрақтылығы мен экономикалық тиімділігін арттырудағы маңызды қадам болады.
Бұл жұмысқа арналған құбырларды "Qarmet Tubular Products Aktau" АҚ өндіреді. Ол газдандыру жобаларында жиі қолданылатын жоғары беріктігі бар әртүрлі диаметрлі құбырларды жасайды.
Өндіріс пен өткізудің толық циклі бойынша басшысы Владимир Тілеубаев құбырлар арнайы қорғаныс жабынымен жабылатынын атап өтті. Бұл жабын газдың жылдам ағынына ықпал етіп қана қоймайды, сонымен қатар құбырлардың қорғаныс қасиеттерін сақтай отырып, олардың қызмет ету мерзімін едәуір ұзартады.
"Құбырларды дайындау арнайы өтінім бойынша жүзеге асырылады, ол бірнеше фазаға бөлінеді. Біздің кәсіпорын қазірдің өзінде жобаны – табиғи газдың жаңа желісін пысықтауда. Ол әртүрлі диаметрлі шамамен 600 тонна құбырды қамтиды. Жұмыс маусым айының соңына дейін жалғасады. Біздің зауыт шығаратын барлық құбырлар қажетті әлемдік сапа стандарттарына сай", – дейді Владимир Тілеубаев.
Зауыт тапсырыс берілген көлемді іске асыруға кірісті. Дайындалғаннан кейін құбырлар автотралдармен дайындаушы зауыттан темір жол станциясына тасымалданатын болады, сол жерден дайын өнім Теміртаудағы комбинатқа жөнелтіледі. Құбырларды өндіру үшін шикізатты жеткізумен тікелей Qarmet айналысады.
Табиғи газға көшу кәсіпорынға энергия шығындарын азайтып қана қоймай, атмосфераға шығатын зиянды қалдықтарды едәуір азайтуға мүмкіндік береді, бұл аймақтағы экологиялық жағдайды жақсартудағы маңызды қадам болып табылады.