Путин Ресей Конституциясына түзетулер қабылданған жағдайда жаңа мерзімге сайлануы мүмкін екенін айтты
Ресей президенті Владимир Путин егер Конституцияға түзетулер қабылданатын болса, ол жаңа президенттік мерзімге сайлануы мүмкін екенін айтты, деп хаабрлайды Stan.kz ақпарат агенттігі.
"Мен өзім үшін әлі ештеңе шешкен жоқпын. Мен бұл мүмкіндікті жоққа шығармаймын", - деді Путин Россия 1 арнасының эфирінде.
"Егер Конституцияда жаңа мерзімге сайлануға рұқсат болса, онда байқап көруге болады. Оны сол кезде көреміз", - деп қосты мемлекет басшысы.
"Мұрагерлерді іздестіру"
Сонымен бірге Владимир Путин елдің негізгі заңына өзгерістер енгізу туралы ұсыныстың дұрыстығына сенім білдірді.
"Сіз білесіз бе, мен қазір ашығын айтайын: конституцияға тиісті түзетулерді қабылдау орын алмаса, екі жылдан кейін мен мұны өз тәжірибемнен білемін, биліктің көптеген деңгейлеріндегі қалыпты ырғақты жұмыстың орнына, бәрі мұрагерлерді іздей бастайды", - деп қосты президент.
Маусым айының басында Владимир Путин конституцияға өзгертулер бойынша бүкілхалықтық дауыс беру 1 шілдеге белгіленгенін айтты. Негізі дауыс беру 22 сәуірде болуы керек еді, бірақ ол коронавирус індетіне байланысты кейінге қалдырылды.
Конституцияға түзетулер президенттік мерзімнің жойылуын да қамтиды: егер ресейліктер негізгі заңның жаңартылған жобасына дауыс берсе, Путин 2024 жылы тағы алты жылдық мерзімге сайлана алады, ол аяқталғаннан кейін тағы бір рет сайлана алады.
Бұған дейін Ресейдің жоғарғы соты Геннадий Рудяктың әкімшілік шағымын қабылдаудан бас тартқан, ол президенттің конституциялық өзгерістер туралы 1 шілдедегі дауыс беру туралы жарлығына наразылық білдірген.
Алдымен сот Рудяктың талап арызын қабылдап, оны тіркеді, бірақ кейін оны кеңсеге қайтарды.
"Жоғарғы сот Конституцияға өзгеріс енгізу туралы заңға қарсы шағымдарды қарауға құқылы емес", - деді сот өкілі Павел Одинцов.
10 маусымда Ресейдің жоғарғы соты тағы бір ресейлік Виктор Мещериновтың осындай шағымын қабылдаудан бас тартты.
Мәскеу қалалық думасының депутаттары Ресей Федерациясының коммунистік партиясынан Евгений Ступин мен Олег Шереметьев, сондай-ақ саясаттанушы Валерий Соловей Путиннің жарлығын жарамсыз деп тануды талап ететін тағы бірнеше арызды берді.
"Күн сайын ондаған, кейде жүздеген адамдар анықталмаған вирустан көз жұмады. Мұндай жағдайда дауыс беру - бұл қылмыс. Путиннің жарлығын жою көптеген адамдардың өмірін сақтайды", - деп жазды Ступин Facebook-те.