Президент дәрі-дәрмек тапшылығын туғызғандарға қандай шара қолдану керектігін айтты
Үкіметтің кеңейтілген отырысында Қасым-Жомарт Тоқаев дәрі-дәрмек тапшылығын туғызғандарға шара қолдану қажеттігін айтты, деп хабарлайды Stan.kz ақпарат агенттігі.
"Заңға сәйкес, азаматтардың жекелеген санаттарына тегін берілуі тиіс медикаменттер мен заттардың жоқ болуы фактісіне назар аудару маңызды. Медициналық мекемелер олардың жоқ екенін жиі айтады және адамдар, оның ішінде аз қамтылған топтар оны өз қаражатына сатып алуға мәжбүр болады. Ал шенеуіктердің есебіне сәйкес, еш проблема жоқ, бәрі сатып алынған және 100 пайыз иегеріліп жатыр", - деді мемлекет басшысы.
ҚР президенті еліміздің Бас прокуратурасына аталған мәселе бойынша ішінара тексеру жүргізу тапсырылғанын атап өтті.
"Оның нәтижесінде кінәлі адамдарға қатысты шара қолдану керек. Бұған қоса, жазамен ғана проблеманы шешу мүмкін емес. Цифрландыруды енгізу өте маңызды. Әр азамат өзіне не тиесілі екенін білуі, дәрі-дәрмекке тапсырыс беріп, оны алғандығын онлайн нақтылауы маңызды. Бұл - өте маңызды мәселе. Үкіметке бұл тапсырмаға барынша жіті назар аударуды өтінемін. Бұл мемлекеттік қызмет орталықтандырылған және проактивті болуы қажет", - деді Қасым-Жомарт Тоқаев.