Премьер-министр биылғы жылдың бюджетін нақтылауды тапсырды

Қазақстан премьер-министрі Асқар Мамин ұлттық экономика және қаржы министрліктеріне 2020 жылға арналған нақтыланған республикалық бюджет жобасын күннің соңына дейін парламенттің қарауына енгізуді тапсырды.

Үкімет отырысында кабинет басшысы коронавирус пандемиясына байланысты әлемдік экономикадағы жағдай өте күрделі болып қалатынын баса айтты. Ол да Қазақстандағы еңбек өнімділігі мен өндіріс көлемінің өсуі үшін ұзақ мерзімді салдарларға алып келеді.

"Қазіргі кезеңдегі біздің басым міндеттеріміз - адамдар үшін дағдарыстың салдарын жұмсарту, таяу болашаққа экономикалық залалды қысқарту", - деді Асқар Мамин.

Осы мақсатта 2020 жылға арналған нақтыланған республикалық бюджетте COVID-19-ға қарсы күреске және экономиканың нақты секторын қолдауға, сондай-ақ әлеуметтік қамтамасыз етуге қосымша шығыстар бөлу көзделеді.

"Бюджеттің бұл параметрлері Қазақстан президентімен келісілген. Егер сұрақтар болмаса, елдің әлеуметтік-экономикалық дамуының ұсынылған нақтыланған болжамын мақұлдап, 2020 жылға арналған нақтыланған республикалық бюджетке дауыс беруді ұсынамын. Ұлттық экономика және қаржы министрліктері премьер-министр кеңсесімен бірлесіп, бүгін күннің соңына дейін парламентке заң жобасы мен әлеуметтік-экономикалық даму болжамын енгізуді қамтамасыз етсін", - деп толықтырды премьер-министр.