Премьер-министр әуе рейстерінің жиі кешіктірілу мәселесін шешуді тапсырды
Олжас Бектенов әуе рейстерінің жиі кешігу жағдайларын реттеуді тапсырды. Бұл туралы Stan.kz ақпарат агенттігі хабарлайды.
Фото: Pixabay.com
Үкімет отырысында авиация саласын дамыту және цифрландыру мәселесі қаралды. Премьер-министр әуе рейстері жиі кешіктірілетінін байқап, соны назарға алды.
"Ішкі ұшу сапарларының жиілігін арттыру, сондай-ақ халықаралық ұшу сапарларының географиясын кеңейту бойынша жұмыстар жүргізіліп жатыр.
Бірақ әуе рейстері кешігетін жағдайлар жиі болады. Көбіне бұл әуекомпаниялар мен әуежайлардың арасындағы ретсіз жұмыстардың кесірінен туындап жатады. Сондықтан министрлікке осы мәселенің тетіктерін пысықтауды тапсырамын", — деп атап өтті үкімет басшысы.
Еске салсақ, бұған дейін жолаушылар 4 сағат ұшақ ішінде отырғандарына шағымданып, FlyArystan әуекомпаниясының басы дауға қалған еді.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды