Жақында ғана үйленген "Ливерпуль" шабуылшысы Диогу Жота көлік апатынан қаза тапты
Фото: Диогу Жотаның Instagram парақшасынан
Португалия құрамасының және ағылшынның "Ливерпуль" клубының футболшысы Диогу Жота Испанияда болған жол апатынан 28 жасында қаза тапты. Бұл туралы Stan.kz ақпарат агенттігі Marca газетіне сілтеме жасап хабарлайды.
Жол-көлік оқиғасы Самора провинциясында, А-52 трассасының 65-шақырымында, Паласиос-де-Санабриа қаласына жақын маңда болған. Футболшы көлікте 26 жастағы інісімен бірге отырған. Өкінішке қарай, екі ағайынды да оқиға орнында көз жұмды.
Жол апаты салдарынан көлік өртеніп кеткен. Жалын жақын маңдағы өсімдіктерге де тараған.
Диогу Жотаның желісінде 5 күн бұрын тойынан фотолар мен видео жариялаған. Деректерге сенсек, ол мектеп кезінен бірге оқыған, он жылдан астам уақыт кездесіп жүрген сүйіктісі – Руте Кардозоға он күн бұрын үйленген. Бұл жұптың үш баласы бар.
Диогу Жота 2020 және 2024 жылғы Еуропа чемпионаттарына қатысқан. 2022 жылы ол "Ливерпуль" клубымен келісімшартын 2027 жылдың жазына дейін ұзартты.
Талқылау
Қазақстандық блогерлер "лотереяға" тыйым салатын заңды айналып өтудің жолын тапты
Былтырдан бері 113 адам жауапқа тартылып, 50 миллион теңгеден астам айыппұл салынған екен
"Құс үркітіп сағатына 8 200 теңге таптым": Англияда жүріп 1 миллионнан аса айлық алатын қазақстандық жұмысы туралы айтып берді
Алтынай: "Қазақстанда пәтер ақысы, несие, бала-шағаға айлықты жеткізе алмай қиналатынымыз рас”