Оның мәлімдеуінше, 2022 жылы қыркүйек айының басында Ажар үш баланы анасына апарып, туған күнін атап өтуді жоспарлады. Кейінірек анасына қайта қоңырау шалып, ештеңе атап өтілмейтінін айтады. Бірақ балалар әжесінің үйінде қалғысы келді.

Бірақ ақыр соңында Ажар күйеуімен караокеге баратын болып, қастарына күйеуінің ағасы мен оның жұбайы қосылды.

“Куәгерлер караокедегі жанжалды түсіріп алған. Жұбайының ағасы айқайлап, Ажарды итеріп, балағаттап жатыр. Ал күйеуі оны күштеп сүйреп, далаға апарды. Әрі қарай, тек сыртқы бақылау камераларындағы жазбалардан көруге болады”, – деді Мұхаммади.

Күйеуі әйелін соққының астына алып, тепкілеген, ал күйеуінің ағасы оларға жүгіріп келді. Алайда караоке әкімшілігі ішкі бақылау камераларының жазбаларын алып тастаған. Айтуынша, әкімшілік төленбеген шот бойынша полиция шақыртты. Адвокат караоке Қызылорда полиция департаментімен бір көшеде орналасқандықтан, уақытында жетсе де, бірақ оң әрекет жасалмағанын айтады.

“Полиция не істеп жатыр? Олар таяқ жеп, тепкінің астында қалған келіншекті көлікке салуға көмектесуде. ️ Ол кезде жарақаттары аса қауіпті болмағандықтан, оны аман алып қалу мүмкін еді. Бірақ полиция қызметкерлері әйелдің тірі қалуына мүмкіндік бермеді. Қызды көлікке тиеп, бір жақты көшеде артқы жүріспен кіруге көмектескен. Ал күйеуі мен оның ағасы Ажарды салып алған күйі, кетіп қалған”, – деді құқық қорғаушы.

Оның айтуынша, таңғы сағат 4 шамасында полиция Ажардың анасына караоке төлемін төлеуді талап етіп телефон соққан. Қызының жағдайы туралы хабар етпей, тек сөз арасында “қызыңызды күйеуі бірнеше рет ұрған еді, жағдайы қалай екен” депті. Анасы жеткенде, Ажар көз жұмды.

“Күйеуі мен ағасы Ажардың денесін жуып, оны көрпеге орап қойған.
Ажар – оның үш баласының анасы, бұл қаскөй оның денесін жуып, көрпеге орады да қойған! Қандай жауыздық! Ажардың анасы мен әпкесі жедел жәрдем шақырды. Дәрігерлер оның мерт болғанын айтқан кезде күйеуі оның алтын зергерлік бұйымдарын алып, қашып кеткен. Сот оған 12 жыл берді, бірақ мерзімнің екіден үшін отырып шыққаннан кейін ол уақытынан бұрын босап кете алады. Ал үш баланың анасын, біреудің қызы мен әпкесін ешкім қайтара алмайды”, – деп жазды адвокат.

Жанна Мұхаммади полиция қызметкерлерінің немқұрайлылығы мен әрекетсіздігін сынға алды.

“Бұл трагедияда полицияның немқұрайлылығы мен әрекетсіздігі маңызды рөл атқарды. Жәбірленушіге көмектесудің орнына, олар қаскөйге денені көлікке тиеуге көмектесті. Жәбірленушіге жанашырлық мүлдем жоқ. Күйеуінің ағасы әйелге көпшілік алдында айқайлап, оны итерді, жұлқылады. Содан кейін оның денесін тиеп, алып кетуге және жууға көмектесті. Қандай есі дұрыс адам әйеліне ұрысқызып қояды?! Күйеуінің Ажарды ағасымен жанжалдасқаны үшін ұрып-соққан болса екен. Бірақ ағасы ешқандай жауапкершілікке тартылған жоқ”, – деді адвокат.

Ол жұртшылық сайлау мен палауға таласқан адамдарды талқылап жүргенде, айналада қорқынышты жайттар орын алып жатқанын атап өтті.

“Олар – тірі адамдар әрі әйелдерді күн сайын ұрып-соғып, мүгедек етуде, өлтіріп жатыр. Ал бізде әлі де мұнықылмыстық әрекет емес, тұрмыстық зорлық-зомбылық ретінде қарастырады.

Әйелін соққыға жықса, ескерту беріп қана шектеледі. Неліктен үндемейсіздер? Неге әйелдердің құрбанға айналғаны емес, палауды талқылау маңызды?! Оянайық! Жылына 400 әйел қаза табады, бұл жай ғана сан емес, бұл әйелдер, тірі адамдар! Бұл – көптеген әйелдер! Мүмкін біздің аналарымыз, қыздарымыз, қыздарымыз немесе әріптестеріміз”, – деп жазады құқық қорғаушы.

Талқылау