Петропавлда екі күннен бері су жоқ: Тұрғындарға су сағат сайын көлден жеткізіледі (видео)
Петропавлдағы тұрғын үйлерге техникалық су Пестрое көлінен тартылады. Су сағат сайын шағын аудан бойынша беріледі. Бұл туралы Stan.kz ақпарат агенттігі хабарлайды.
Фото: Видеодан скрин
Қала әкімі Серік Мұхамедиевтің айтуынша, электр желілерін мұз басып қалғандықтан қалада екі күннен бері су жоқ. Қалпына келтіру жұмыстарымен қатар жергілікті билік балама су көзін қарастыруға кірісті.
Атап айтқанда, суды Пестрое көлінен тарту туралы шешім қабылданды.
"Бүгін біз су сынамаларын талдадық, бірақ бірден ескертемін: су беру ертеңнен басталады, бірақ бұл өндірістік су. Оны ішуге болмайды. Бірақ жуыну мен басқа да қажеттіліктер үшін қолдануға болады", - деді қала әкімі.
Әкімнің айтуынша, қалада ең аз су тұтыну 30-40 мың текше метрді құрайды.
"Егер біз екі көзді іске қоссақ, шамамен осы ең аз көлемде су тұтынылады. Егер ертең кем дегенде бір көзді іске қоссақ, бұл бес-алты текше метр болса, ықшам аудандарда бір сағат су беруге мәжбүр боламыз. Бізде алты су тасушы бар. Сәйкесінше, су қосылатын аумақтарды кезекпен ауыстырамыз. Бұл механизм жұмыс істейді деп үміттенеміз", - деді әкім.