Куәгерлердің сөзіне қарағанда, ер баланың жасы шамамен 11-12-де. Абырой болғанда, бала дін аман, жол-көлік оқиғасынан кейін ол облыстық балалар ауруханасына жеткізілген.

Оқиға кешкі сағат 19.00 бен 19.30 аралығында 1 Май көшесінің бойында (Лермонтов көшесіне жақын жерде) орын алды. Жеткіншек «Манақбай базарына» бет алған трамвайдың астына өзі түскен. Лермонтов аялдамасына 50 метр қалған кезде баланы көрген трамвай жүргізушісі көлікті тоқтатқан. Бұдан кейін бала рельстен алшақтапты. Алайда жүргізушінің сөзіне қарағанда, трамвай орнынан қозғала бергенде ер бала көліктің астына өзі секірген.

Куәгерлердің сөзіне қарағанда, болған оқиғадан жүргізуші есеңгіреп қалған. Ал болған оқиға әлеуметтік желілерде қызу талқыланып жатыр.

«Жеткіншек бағананың қасында тұрды. Ол жерде жүргіншілер жолағы да, шектеу белгісі де жоқ. Бала трамвайдың астына әдейі түсті. Куәгерлердің бірі оны алып шықпақ болғанда, бала жерде ішімен жатты», – деді куәгердің бірі.

Еске сала кетейік, қыркүйектің басында Павлодарда трамвай апалы-сіңлілі қос қызды қағып кетті, олардың бірі оқиға орнында көз жұмды.

Оқи отырыңыз:

Алматыда автобуспен соғысқан көліктің күл-талқаны шықты

Денесі даладан табылып, туысы жоқтардың қатарына қосылған

Шымкентте тоғыз жасар бала пойыз астына түсіп аяғынан айырылды

Астанада автобус мен көлік соқтығысып 11 жасар бала қайтыс болды

Талқылау