Павлодарда автокөлік тұрғын үйдің қабырғасына соғылды (видео)
Павлодарда үш жеңіл көліктің қатысуымен жол-көлік оқиғасы орын алды.
Бұл туралы pavon.kz сайтына сілтеме жасап Stan.kz хабарлайды.
Басылым мәліметінше, жолда 69 жастағы ер дам тізгіндеген Mitsubishi, 24 жастағы жүргізуші тізгіндеген Volkswagen Golf және 35 жастағы жүргізуші тізгіндеген Toyota Camry көліктері соғысып қалған.
«ЖКО салдарынан Mitsubishi көлігі жаяужолға шығып кетіп, Лермонтов көшесіндегі тұрғын үйдің қабырғасына соғылды», – дейді Павлодар облысы бойынша ІІД баспасөз қызметіндегілер.
Әзірге жол-көлік оқиғасының себебі анықталған жоқ.
Куәгерлердің сөзінше, Mitsubishi көлігінің 69 жастағы жүргізушісі рульде отырған кезде жағдайы нашарлап кеткен. Ол ауруханаға жеткізілді.
Жол-көлік оқиғасы фактісі бойынша тексеріс жүргізіліп жатыр.
Оқи отырыңыз:
Өскеменде қатты жел соғып, жаңа аялдамаларды құлатып жатыр
Дәулет Тұрлыхановтың ұлы эфирге шығып, ел алдында сүйікті қызынан кешірім сұрады (видео)