Шенеунік 50 жүкті әйелді "жұмысқа алған": Павлодар облысында жәрдемақы алаяқтығы анықталды
Павлодар облысында әлеуметтік жәрдемақыларды жалған жолмен алу дерегі бойынша іс тергеліп жатыр. Бұл туралы Stan.kz ақпарат агенттігі хабарлайды.
Қаржы мониторингі агенттігі жүкті әйелдерді жалған жұмысқа орналастыру схемасын ұйымдастырған топты анықтады.
Агенттік мәліметінше, зейнетақы төлеу жөніндегі мемлекеттік орталық бөлімінің басшысы кәсіби білімін пайдалана отырып, қылмысын іске асыру үшін бірнеше кәсіпкердің электрондық цифрлық қолтаңбаларына (ЭЦҚ) қолжеткізе алатын есепші туысын тартқан.
“Есепші аталған ЭЦҚ-ларды иелерінің рұқсатынсыз пайдаланып, жалған жұмысқа қабылдау туралы бұйрықтарды, еңбек қатынастары заңды түрде рәсімделгендей етіп көрсететін өзге де құжаттарды дайындаған. Сонымен қатар бірнеше таныс адам тартылып, олардың міндетіне жүкті әйелдерді табу және ұсынылып отырған рәсімдеудің заңды екеніне сендіру кірген”, – делінген агенттік хабарламасында.
Нәтижесінде 13 жеке кәсіпкердің атынан 50-ден астам жүкті әйелге 6 миллион теңгеге дейін өсірілген жәрдемақылар төленген. Мемлекетке келтірілген залал 200 миллион теңгеден асады.
Сот санкциясымен күдіктілердің 3 автокөлігіне тыйым салынды. Агенттік тергеу әлі жалғасып жатқанын атап өтті.
Алматылықтар аптап ыстықта жылудың өшірілмей жатқанына шағымданды: Әкімдік себебін түсіндірді
Алматылық Ерғали Жақсылықов жергілікті билікке шағымданды
"Әйелдерге тән оюды ерлер пайдаланып жүр": Қазақстандық дизайнер жұлдыздардың ою-өрнекті орынсыз пайдаланып жүргенін сынға алды
Кез келген ою – оны жасаған адамның ішкі дүниесінің көрінісі