Павлодар облысында жантүршігерлік жол апатынан 1 адам қаза тапты

Павлодар облысы Ақтоғай ауданында жол-көлік оқиғасы салдарынан 1 адам қаза тапты, 7 адам жарақат алды. Бұл туралы аймақтың полиция департаментінің баспасөз қызметінде мәлімдеді, деп хабарлайды Stan.kz ақпарат агенттігі. 

"35 жастағы ер адам тізгіндеген Audi-100 автокөлігі Toyota Camry көлігімен соқтығысқан", – деді Павлодар облысы полиция департаменті басшысының орынбасары Жасқайрат Қайыров. 

Жол апаты салдарынан Audi-100 көлігінің 26 жастағы жолаушысы алған жарақат салдарынан оқиға орнында көз жұмды.

Көліктің жүргізушісі мен 8 жастағы екінші жолаушы ауруханаға жеткізілді. Сонымен қатар Toyota Camrу автокөлігінің жүргізушісі мен төрт жолаушысы да ауруханаға жеткізілген. Көліктер арнаулы айып тұрағына қойылған. Тексеру жұмыстары жүріп жатыр.